Gutxien espero duzunean, orduantxe etorri ohi dira gainera. Ondotik pasatzen den automobilak, errepidetako lanek... batek daki zerk saltarazten dituen errepideko harri txikiak, baina matxura handiak eragiten dituztela gauza jakina da. Horrelakorik gertatzen denean, izan ere, adio automobileko haizetakoari! Batzuetan ez da erabat puskatzen; erretena apurka-apurka egiten da edota zulo biribil-biribila ageri. Tailerrerako bidean hasi aurretik, irakurri arretaz Donostiako Kimika Fakultatetik eman diguten albistea. Fotosendaketa, argi-bidezko osaketa... Oraingoz ezer ulertzen ez baduzu ere, lasai; segi irakurtzen, artikulu hau uste baino errentagarriagoa izango zaizu eta.
Azken hilabeteotan gure inguruan meningitis-kasuek gora egin dutela eta (Madrilen agertu ziren lehenengo kasuak epidemi gisa; aurreneko brotea 1996ko abenduaren bukaeran detektatu zen), argi gorria piztu zela zirudien eta gaia puri-purian egon da. Are gehiago udazkenean txertaketa-kanpainari ekingo ote zaion kontua askoren ahotan ibili dela kontuan izanik. Komunikabideen jokabidea ere ez da zuhurregia izan, salbuespenak salbuespen; horregatik nahiago izan dut arazoa “hozten” utzi eta orain, egoera apur bat normalizatu denean, gaiari sakonetik heltzea, gauzak bere puntuan uzteko eta gaitza zertan den jakitera emateko.
Eusko Jaurlaritzako Industria, Nekazaritza eta Arrantza Sailaren ekimenez, hainbat ikerketa eta egitasmo bultzatu dira azken urte hauetan. Proiektu horiek guztiak aurrera eramateko, ikerketa-gune eta erakunde publikoak sortu ziren 80ko hamarkadan. Gaur egun, nekazaritza, abeltzaintza eta arrantza alorretan dagoen egitura teknologikoa eta ikerketa-maila punta puntakoak dira. Ikerketa-gune hauetako batean ari da lanean gure solaskidea: Joaquín Salazar. Arkauten dagoen Nekazaritza Ikertzeko eta Hobetzeko Ikertokian (NIHI/CIMA) Sostengurako Unitate Teknikoko burua da. Arkauteko NIHI/CIMA eta Derioko NIHZ/SIMA-ren (Nekazaritza Ikertzeko eta Hobetzeko Zerbitzua) funtzionamendua eta ikerketa-lerroen berri eman digu.
Euskal Autonomia Elkarteko eta Nafarroako Hondakin Berezien Kudeaketa Planen helburu nagusiak 2000. urteari begira industriak ekoizten dituen hondakin bereziak minimizatzea eta birziklatzea eta oraindik ekoiztuko diren hondakin berezi guztiak era kontrolatuan kudeatzea da.
Getxo eta Armintza arteko kostalde bizkaitarrak aberastasun geologiko eta paleontologiko handiak gordetzen ditu bere arroketan. Ondasun honek eskualde honi garrantzia handia ematen dio bai ikerketarako, bai irakaskuntzarako, eta bai Lur-Zientzien dibulgaziorako ere. Euskal kostaldearen zati honetan batzen diren elementu geologiko eta paleontologikoek Uribe Kosta ofizialki bere osotasunean babestu beharreko eskualde berezia bihurtzen dute, eskualdeak duen balore zientifikoa oso handia baita. Bertako historiaren azken 200 bat milioi urte luze ezagut daiteke eskualdeko arroketan. Hain denbora zabalean zehar eskualde honek aldaketa franko ikusi du, gehienak ur-azpian gertatutakoak.