Urriaren 15ean Donostiako Kimika Fakultateko ikastaroen irekiera ekitaldian Abdezarrak Duhal irakasleak hidrogeno-loturei buruz egiten ari diren azken ikerketek irekitzen dituzten horizonte berriez mintzatu zen.
Soinuaren abiadura baino handiagoan maiz ibiltzen dira hegazkin militarrak, baina lurrean gurpilei esker dabiltzan ibilgailuek ez dute inoiz muga hori gainditu; 1.200 km/h-ko abiaduran joatea ez baita txantxa.
Behar bezala ezagutuz eta errespetatuz gero, atsegin handia eta gozatzeko anitz aukera ematen dizkigu naturak. Hauekin tartekatuz, ordea, arriskuak ere nonahi daude; perretxikoak dira esandakoaren lekuko. Gizakiarentzat toxikoak diren 70 bat espezie ezagutzen badira ere, bakar batzuk besterik ez dira arriskutsuak. Hauetako galgarrienetako eta era berean usuenetakoa Amanita phalloides dugu. Perretxikoek eragindako heriotza guztien % 90 egotz dakioke hiltzaile berde honi.
Botikak oso tresna garrantzitsuak dira gaixotasunak tratatzeko. Eta horiek modu arrazionalean erabiltzea ezinbestekoa da onurarik handiena lortzeko eta baita eskura dauzkagun baliabideak modurik hoberenean aprobetxatzeko ere.
1993ko udaberrian aurkeztu zen Euskal Autonomi Elkarteko Hondakin Berezien Kudeaketa Plana. Giza iharduerek eta industriak inguruan duten eragin kaltegarria saihestea zen planaren helburua, hondakin-ekoizpena 2000. urteari begira % 25 gutxiagotzea, alegia. Horretarako bi ildo nagusi jorratu beharra ikusi zen: hondakin-ekoizpena murriztea eta hondakinok berriro erabiltzeko bideak sustatzea. Testuinguru horretan, hainbat azpiegitura sortu dira azken urteotan, Administrazioak berak bultzatutakoak gehientsuenak.
“ Bihar elurra ”. Hauxe izan zen artzaiak antzara-saldo handi hari begira esan zigun lehenengo gauza. Biharamunean elur izpirik bota ez bazuen ere, eguraldi hotza eta euritsua egin zuen. Gehienontzat oharkabean pasatzen diren arren, nekazaritza-giroko jendearentzat antzara eta kurriloen joan etorriek garrantzi handia izan dezakete. Izan ere, urtero zeruan barrena ikusten diren formazio zaratatsu horiek urtaro batetik besterako aldaketa iragartzen dute.