Tximeleta baten irudia burura datorkigunean, gehienok, haren edertasunari lotuta, gizakioi dagozkigun beste balore eta sentimendu batzuk asmatzen ditugu, berarekin hegan egingo balute bezala. Horrela, animalia arin eta “pisurik gabeko” honi jende askok ez lizkioke inoiz gure arazoak leporatuko. Askotan, ordea, gauzak oso bestelakoak direla jakin behar dugu. Tximeleta espezie askoren beldar-faseak oso kaltegarri gerta dakizkieke ekonomikoki garrantzitsuak diren landareei. Espezie horien guztien artean, Cacyreus marshalli dugu, azken bolada honetan entomologoen zirkuluetan “modan” dagoena.
Izen hau entzunda gosaltzeko erabiltzen diren corn flakes (arto malut)etan eta antzekoetan pentsatzen dugu. Baina, horrez gain, egunero erabiltzen ditugu mila modu desberdinetan, eta, are gehiago, horiei zor diegu zibilizazioa, artea, aurrerakuntza, baita egun bizirik irautea ere.
Nor oroitzen da gaur egun ECUaz? Bada, hainbatetan hizpide izandako ECUari (European Currency Unit) kutsu teknikoa uxatzeko edo, izen samurragoa ipini zitzaion eta geroztik Euroaz mintzatzen gara.
Gaur egun, teknikak aurrera egin duela ezin da ukatu, batez ere, pathfinder robota Martitzera iristen ikusi ondoren. Bestalde, espazioan egiten diren saiakuntzak guregandik urrun geratzen diren arren, oinarrian erabiltzen diren kontrol-teknikak edozein industrian ere ager daitezke.
Karlos Santamaria pentsalari, matematikari eta kultur eragile sutsua ere joan zaigu. Abenduaren 30ean hil zen donostiar handiak zientziaren eta euskararen alde egin duen lana itzela izan da eta ezin guztia hemen aipatu. Hala ere, zilegi iruditu zaigu bere ohorez lerro batzuk idaztea eta Mikel Zalbideri eman diogu egiteko hori. Izan bitez lerro hauek Elhuyarren izenean luzatzen diogun omenalditxo xumea.
Gaur egun guztiek onartzen dute garapen ekonomikoa eta ingurugiroa oso estuki lotuta daudela eta politika ekonomiko oro diseinatzerakoan biak uztartu beharra dagoela. Ingurugiro-irizpideak garapen ekonomikorako estrategia eta ereduetan txertatzen ari dira asko eta horren ondorioz, ingurugiroa gero eta garrantzitsuagoa da politika ekonomiko eta enpresarialetan, administrazio publikoetako kudeaketa-sistemetan, fabrikazio-prozesuetan, produktuen diseinuetan eta kontsumitzaileen portaeran.