Erreportajeak

Ilunbeko zezen-plaza Egitura espazial mugikorra

Zezenketak direla eta ez direla, Donostiako zezen-plaza eraikitzeko lanak polemikaz jantzita agertu dira; ez, ordea, eraikitze-lanen egokitasunagatik edo desegokitasunagatik, baizik eta zezen-plaza eraikitzeak Donostiara zezenketak itzuli direla esan nahi duelako. Zezenketen eztabaida alde batera, Ilunben eraiki duten zezen-plaza berez da deigarria, eguzki beroenarekin zein edozein euri zaparradarekin erabili ahal izango baita. Ireki eta itxi egiten den teilatua izatearen abantailak. Eta hori da hain zuzen zezen-plazan atentzioa ematen duen elementua: teilatua.

Estaldura elektrolitikoak (eta IV): hondakin-uren tratamendua

Azken kapitulu honetan estaldura elektrolitikoen lineak dauzkaten industrietako hondakin-uren tratamenduaren ezaugarri eta aukerak aztertuko dira. Amaieran, hondakin-uren tratamendua ezartzerakoan gogoan eduki beharreko zenbait gomendio ere eskainiko da.

Telebista eta irratia ordezkatu

Duela gutxi, nire lagun Moflo-ren etxera joan nintzen berriro, nire ikastaro praktikoaren bigarren zatia martxan jartzeko asmoz. Gogoratuko zaretenez, etxeko ordenadorearen bidez telefonoa eta faxa erabiltzeko aukera landu nuen berarekin aurrekoan bere etxean duen bulegoa trastez hustearren. Oraingoan helburu hobea nuen buruan: irratia, telebista eta musika-katea zaborretara botatzea, tresna hauek guztiek egiten duten lana ordenadoreak egin dezakeelako, eta hauek baino hobeto gainera. Nire lagunari hori esan nionean, faxak jaso eta bidaltzen hasten zen bakoitzean ordenadorea flipatu egiten zitzaiola eta telefonoz hitz egiteko beheko tabernara jaitsi behar izaten zela erantzun zidan. Esker txarrekoa, halakoa!

Osteoporosiari buruzko galderarik usuenak

Urteak betetzearen ezinbesteko ordain gisa definitu izan den arren (eta egia da horrelako zerbait ere badagoela), osteoporosia gaitza da azken finean, saihets daitekeena.

Tomatea: antioxidatzailez blai

Hil ondoren, fosilizatu bederen!

Energia geotermikoa

Energia geotermikoa "lurraren barneko beroaz baliatuta lortzen den energia" da. Lurpeko tenperatura baxu edota ertaina (20 ºC-tik 150 ºC-ra bitartekoa) zuzenean eraikinak berotzeko erabil daiteke; tenperatura altua (150 ºC-tik gorakoa), ordea, energia elektrikoa eskuratzeko erabiltzen da.

Eguzki-sistematik kanpoko planeta-sistemak

Zientziaren arloan datu gabezia dugu arazo larrienetakoa problema bati aurre egiteko. Daturik ezean eztabaida teorikoak (sarritan aurreiritzi filosofikoetan oinarrituak) irtenbiderik gabe luzatu egiten dira, kasu askotan mendetan zehar. Astrofisika eta Kosmologiaren eremua aberatsenetakoak dira datu-urritasunak jotako problema horietan.

Haurren obesitatea

Bada garaia ume potxoloa ongi elikatutako umea dela dioen mito zaharra baztertzeko. Esperientziak ondotxo erakusten digu kasurik gehienetan ez dela egia, eta areago esango nuke, zenbait kasutan ume potoloak akats edo hutsuneak ere eduki ditzakeela nutrizioaren ikuspegitik. Bestalde, obesitatea gaitzak arrisku ugari ekar ditzake umeetan, pertsona helduetan bezalaxe.

Ingurugiroaren nazioarteko eguna

Ekainaren 5ean Ingurugiroaren Nazioarteko Eguna ospatuko da. Ospatu diogu, baina, agian, hitz horrek kutsu baikorregia du eta ez da baikortasuna, hain zuzen ere, egun hori izendatzeko arrazoietako bat. Ingurugiroa oro har gauza bakartzat har badaiteke ere, lan egiteko garaian errazago zaigu hari eragiten dioten faktoreak bereiztea. Aztertu ere bereizita aztertu ohi dira, eta faktore horiek hainbat izan daitezkeen arren, guk industriarena eta honen barruan produkzio garbiarena aukeratu dugu.