Europako Batzordeak 2002-2006 eperako ikerketa zientifikoaren ildo nagusiak aurkeztu berri ditu. Iragan martxoan, Lisboan Europako gobernuburuek egin zuten bileran, ikerketa zientifikoak herri baten ekonomian, bizi-kalitatean eta erabaki politikoetan duen garrantzia azpimarratu zuten. Ideia hori gauzatzeko, Batzordeak "Europako ikerketarako eremua" sortzea erabaki berri du. Nanoteknologiari buruzko mundu-mailako konferentzia baten karietara, Europako "Garapen Lehiakor eta Jasangarria" programaren zuzendari Ezio Andreta jauna Tolosan (Frantzia) zen. Europako ikerketaz galdeturik, Batzordeak egiten duen lana eta hutsuneak nabarmendu zituen.
Medellineko planetarioak 300 lagunendako aretoa du, 200 lagunendako auditorioa, gela didaktikoa 50 lagunendako, zientzia-zaleendako 20 pertsonentzat tokia duen gela, eta liburutegia. Egunero irekitzen dute eta egunero lau funtzio egiten dituzte, eta ia guztietan aretoa bete-bete egiten da. Beraz, egunero 1.000 bisitari inguru hartzen dituzte. Duela 16 urte ireki zen.
Coruñan hiru zientzia-museo daude une honetan. Lehena 1983an sortu zen eta 1985ean ireki zitzaion jendeari, Zientzien Etxea. Eraikin hori, oro har, zientziari eskainita dago, planetarioa dauka, erakusketa ibiltariendako aretoa, naturari eskainitako zati bat, zientzia fisikoei eskainitako beste bat. Domus izeneko museoa ere badago, 1995etik. Museoetako metodologia ezarri du, gizakiarekin -gizaki eta espezie bezala- zer ikusia duten gaiak azaltzeko. Azkenik Finisterrae aquariuma dago. Iaz ireki zen, eta han bat egiten dute ohiko akuarioen filosofiak, museologiak eta itsasoko ingurugiroari eskainitako parteak.
Osasuna futbol-taldeak aurten lortu du lehen mailara igotzea, nafarrak pozik daude horregatik, nahiz eta sailkapeneko azkenekoetakoa izan. Gorritxoak ikusteko, hamabostean behin, jende asko hurbiltzen da Sadar futbol-zelaira. Hala ere, Javier Armentiak dioenez, hori ez da ezer urte osoan zehar planetarioa ikustera joaten den jendetzarekin konparatuz gero.
Europako Batzordeak eta Birziklatze Industriak 1998an izandako bileretan birziklatzeari buruzko bilkura luze eta zabala egin beharra agerian geratu zen eta luze gabe lanari ekin zitzaion. Urtebete geroago Birziklatze Foroa jarri zuten martxan eta, bertan, Antton Azkonak parte hartu zuen. Hain zuzen, bera izan zen amaierako txostena idazteko arduraduna.