Joko Olinpikoek, goi-mailako kirol-iharduera guztiek bezala, publiko orokorrarentzat guztiz ezezagun diren alderdi asko dituzte. Horien artean emakumeentzako probetan parte hartzeko kirolariek gainditu behar duten sexu-testarena dago. Bartzelonako Jokoetan erabiliko den proba berriak, ez ditu isil erazi test zaharrak zenbait zientzilari eta kirolariengandik jaso dituen kritikak.
Bidaia bakoitzean mila pertsona eta beren kargamentua garraiatzea da hegazkingileek epe motzean ezarri nahi duten marka. Horretarako diseinuan aldaketa iraultzaileak eragin behar dira, gaur egungo hegazkinen forma handiagotze hutsak balio ez duelako. Izan ere abioi erraldoi hauek orain dauden aireportuetan ibili behar dute eta oraingo hangareetan gorde behar dira.
Bukatzear dagoen XX. mende honek izugarrizko iraultza ekarri duela esango bagenu, zalantzarik gabeko egiaren baieztapena baino ez genuke egingo, Fisikari dagokiolarik behintzat. Alde batetik, Albert Einsteinen Erlatibitate Teoriak mendearen lehenengo laurdenean ikusi zuen argia, hain finkatuta zegoen denbora absolutuaren ideia deuseztuz. Bestetik, esperientziarekin ados jartzeko eredu atomiko baten beharrak eta azareak, neurri batean behintzat, guztiz berria zen teoria (Fisika kuantikoa, hain zuzen) ezartzea eragin zuten.
Dietari ekitea arriskutsua izan liteke. Kontrakoa iruditu arren, kontrola mantentzearren eginiko ahaleginak sorterazitako stress-ak dietagilea gehiago jatera bultzatzen du.
Hegazkinek hegalaldian izango duten portaera aurrez jakiteko, abioi-maketak tunel aerodinamikotan probatzen dira. Lortutako baldintzak ez dira ordea berdinak, tamainarekin batera emaitzak ere aldatu egiten direlako. Horregatik, tuneletan benetako emaitza zehatzak lor daitezen, aire izoztua erabili beharra dago.