Historian zehar, gizaki “kultuak”, haitzuloetan, fotosintesiarik ezean, bizidunik ez zegoela uste izan du, epe laburrerako eta halabeharrez ez bazen behintzat. Baina historiaurrean gauzak ez ziren honela. Neanderthal eta Cro- Magnon kulturako gizakiak, haitzuloak bizileku edota babesleku modura erabili izan ditu Paleolitoan zehar.
Bilbo Handiko Uren Partzuergoak milioi bat biztanle ingururen ur-hornidura kudeatzen du. 1967an hartu zen Bilboko Metropoli-gunean Partzuergoa eraikitzeko erabakia. Hasieran Partzuergoa 19 udalerrik osatzen bazuten ere, gaur egun 33 kide biltzen ditu. Uraren jatorriaz eta tratamenduaz hitz egiteko Angel Silveiro Plantako burua eta Jon Ander Etxebarria laborategiko burua solaskide izan genituen Venta Altara eginiko bisitan.
Tropikoko lekuetan ezezik, gure artean ere badira heriotza eragin dezaketen intsektuak. Lasai egon zaitezte, hori ez baita salbuespen-kasuetan baino gertatzen. Edonola ere, era guztietako intsektuen bisitarako sasoi egokia oraintxe da Euskal Herrian. Ezusterik gerta ez dadin, adi egotea komeni da.
Gizakiak denbora neurtzeko erabili izan dituen sistemak eta unitateak fenomeno astronomikoen ondorio zuzena dira. Astroen higidura periodikoa dela medio, kosmosak Lurraren eta lurtarron bizitza arautu egiten du. Beraz, landareen eta animalien bizi-zikloak higidura horietara egokitzea ezin liteke halabeharraren ondoriotzat har.
XVIII. mendearen azkeneko urteetan eta XIX.aren lehenengoetan, eta Ingalaterran bereziki, ekonomia politiko modernoa sortarazi zuten gizarteko hiru klaseak gorpuztu ziren; industri kapitalismoa, lur-sail handien ugazabak eta proletalgoa.