Jose Antonio Lopez de Castro bilbotarrak jaso du aurtengoarekin hirugarren aldiz eman den Euskadi Ikerkuntza-Saria. Beraz, Pedro Miguel Etxenikeren eta Javier Echeverriaren lekukoa hartu du Lopez de Castrok. Esker onez, pozez eta umiltasunez jaso zuen saria, aldi berean ikerkuntza bultzatzearen aldeko hitzak erabiliz.
Egitura arrunt bitxia du Donostiako Kimika Fakultatearen eraikinak. Labirintikoa iruditu izan zaigu beti eta sarritan ibili gara, galtzeko zorian, berdintsuak diruditen solairu eta geletan barna. Eskarmentu handia izan dugu aurten, nolanahi ere, zorionez, sarritan joan behar izan baitugu bertara. Oporren bezperan, adibidez, bi bider: lehena P.M. Etxenikeri emandako Asturiasko Printze Saria zela medio eta bigarrena Jesus Ugalderen X.M. Munibe Saria aitzaki hartuta. Kimika Fakultateko irakasleak biak ere, punta-puntako ikertzaileak eta, esatea zilegi bazaigu, baita goi-mailako lagun eta lankideak ere. Oso sari bakanak izan dira aurtengo horiek: neurri oso txikian bada ere, Euskal Herriko zientzi komunitatea —maila desberdinetan izanik ere— osatzen dugun guztion barru-barruan sentitu baitugu sarion eta saridunen zirrara. Bejondeizuela! Zorabiatzeko moduko gizona da Pedro Miguel Etxenike. Bere bulegoan, Donostiako Kimika Fakultatean, arbela beti egoten da edonor zorabiatzeko moduko ikurrez josita. Zorabiatzeko modukoa da, halaber, nafar honen ibilbide profesionala: Kimika Fakultatean irakasle, Materia Kondentsatuaren Fisikan Katedraduna, hain zuzen ere, BBVko Kontseilu Zientifikoko kidea, Iberdrolako Zientzia eta Teknologiarako aholkularia, Xabier M. Munibe sariduna, Ikerketako Euskadi Saria, Zientziaren Depont Saria, Vianako Printze Saria eta, berriena, Asturiasko Printze Saria. Curriculuma bezain gizena omen da bere ajenda, baina saria eskuratu berria zuela tarte bat egin zuen Elhuyarrekin hitz egiteko.
Egitura arrunt bitxia du Donostiako Kimika Fakultatearen eraikinak. Labirintikoa iruditu izan zaigu beti eta sarritan ibili gara, galtzeko zorian, berdintsuak diruditen solairu eta geletan barna. Eskarmentu handia izan dugu aurten, nolanahi ere, zorionez, sarritan joan behar izan baitugu bertara. Oporren bezperan, adibidez, bi bider: lehena P.M. Etxenikeri emandako Asturiasko Printze Saria zela medio eta bigarrena Jesus Ugalderen X.M. Munibe Saria aitzaki hartuta. Kimika Fakultateko irakasleak biak ere, punta puntako ikertzaileak eta, esatea zilegi bazaigu, baita goi-mailako lagun eta lankideak ere. Oso sari bakanak izan dira aurtengo horiek: neurri oso txikian bada ere, Euskal Herriko zientzi komunitatea —maila desberdinetan izanik ere— osatzen dugun guztion barru-barruan sentitu baitugu sarion eta saridunen zirrara. Bejondeizuela! Jesusen aitak ez du oraindik batere garbi zertan ibili zen bere semea Valladolideko Unibertsitatean; ustez kimika ikastera joan zen bertara, baina geroztik ez omen du sekula ikusi nahasketak eta antzekoak egiten laborategiren batean... Kimikari teorikoa baita Jesus Ugalde, aurtengo Xabier Maria Munibe Saria jaso berri duen 40 urteko bergarrara.
Zientzialarien artean fama handia du Iberdrola Sariak. Izan ere, urtean behin mematen diren Sari hauek erabakitzeko, munduko ikerlaririk onenetarikoak biltzen dira, Nobel saridunak barne. Katalisiaren arloan urteetan zehar egin duen lanarengatik, aurtengoan Avelino Corma kimikariak eraman du Iberdrola Saria. Eskuratu duen diruarekin katalisiari buruzko ikerketa-beka bat sortzeko asmoa dauka.
Elhuyar kultur elkartearen 25. urteurrena aitzakia polita izan zen zientzia, teknika eta kultura arloko hainbat lagun miramar jauregian elkartzeko. ekitaldiaren gora-behera guztiak azaltzea ezinezkoa bada ere, nondik norakoa eta protagonista izan zen antony hewish-ekin izandako elkarrizketa zuri azaltzea egokia iruditu zaigu. horrela, bertan gertatutakoaren berri izango duzu. Elhuyar Kultur Elkartearen 25. urteurrenaren kariaz, Sir Antony Hewish Nobel saridun britainiarrak “Unibertsoaren iragana, oraina eta geroa” izeneko hitzaldia eman zuen urriaren 31n Miramar Jauregian. Antony Hewish irrati-astronomiaren aitzindaria izan da eta alor horretan eginiko lanagatik eta pulsarrak aurkitzeagatik 1974ko Fisikako Nobel saria jaso zuen Martin Ryle-rekin batera. Bere iharduera profesional ia osoa Cambridge-ko Unibertsitatean burutu du eta, besteak beste, bertako Mullard Irrati astronomia Behategiko zuzendaria izan da. Aukera hau profitatuz unibertsoari buruz mintzatzera hurbildu gatzaizkio gizaseme umil eta abegitsu honi.
Lerro hauek idazten ari garelarik, Ingurugiro Legea Legebiltzarrean dago oraindik, bertan egingo zaizkion iradokizunak eta zuzenketak jasotzeko zain. Hurrengo urratsak ezagunak dira: Legea onartu egingo da ia dudarik gabe eta, azkenik, duela 18 urtetik arautu gabe zegoen arloa Lege batek jasoko du. Euskal Autonomia Elkarteari dagokion Lege hau da Eusko Jaurlaritzako Ingurugiroko sailburuordearekin zehatz-mehatz aztertu duguna.
Euskal Herriko Adiskideen Elkarteak gonbidatuta, Donostian eta Bilbon izan dugu hizlari Archie Howie Cavendish Laboratory-ko burua. Hitzaldia aitzaki, berarekin solastatzeko aukera paregabea izan dugu.
Urtarrilaren bukaeraz geroztik, Eusko Jaurlaritzak bultzatuta, indarrean da Zientzia eta Teknologia Indartzeko Egitasmoa 1997-2000. Mende berrira arteko zientzi politika gidatuko du egitasmoak; industriaren eta hezkuntzaren arteko lankidetza du oinarrian eta sare teknologikoa hobetzea helburu. Agintarien esanetan, zientzi politika berriaren emaitzak
berehala ikusiko ditugu. Hasteko, ikus dezagun zer berri duen egitasmo berriak.