Udazkeneko alegia

Irazabalbeitia, Inaki

kimikaria eta zientzia-dibulgatzailea

Elhuyar Fundazioa

Esperimentu labur bat egitea proposatzen dizut. Ireki, mesedez, zure web nabigatzailea, eta jo gogokoen duzun Internet-bilatzailearen orri nagusira. Tekleatu energia eta bilatzeko esan. Zer emaitza eman dizkizu? Milioika arrapostu, ezta? Nolakoak, ordea?

Udazkeneko alegia
2007/11/01 | Irazabalbeitia Fernandez, Inaki | ELEKA Ingeriaritza Linguistikoa

Google aukeratu baduzu, hauek izango dira, hurrenez hurren, lau aurrenak: EVEren web gune korporatiboa gaztelaniaz, portugesezko Wikipediako energia kontzeptuaren definizioa, Energia Network erakundearen ingelesezko gunea eta Energia jaurtigailu sobietarrari buruzko informazioa ingelesez.

Yahoo, Alexa edo beste bilatzaileren bat aukeratuta, antzeko emaitzak lortuko dituzu. Egin ezazu proba gogoko baduzu!

Kontua da zuk energiari buruzko lan bat egin nahi duzula. Horretarako informazioa bilatzen ari zara, eta, gainera, itzultzen ibili behar ez izateko, euskarazkoa gurago duzu.

Emaitzen orrialdeak arakatzen hasi zara. Dozena erdi bat pasatu dituzu honezkero, eta euskarazko emaitzen arrastorik ez. Ingelesezkoak, gaztelaniazkoak, portugesezkoak, katalanezkoak... ikusi dituzu, aitzitik. Zer egin? Orrialdeak pasatzen segitu? Tumatxa, hi! Horrelako lantegirik ez diat hartuko!

Eureka! Googlek ez al du, bada, bilaketa-hizkuntza aukeratzeko sistema bat? Bilaketa aurreratua botoian sakatu duzu. Erakutsi hizkuntza honetako orriak aukera ikusi duzu, eta, ondoan, lauki batean, edozein hizkuntza ageri da. Euskara hautatzerik egongo al da? Zabaldu aukera-zerrenda! Alemana, arabiera... ukrainera eta vietnamera. Euskararen arrastorik ez. Etsita, gaztelania aukeratu duzu. Wikipediako sarrera bigarren emaitza. Klik egin eta zeure burua itzultzaile bihurtzeko prestatzen hasi zara.

Ring-ring! Segapotoaren hotsa. Zure lagun hurkoaren mezua, "bgira au www.elebila.eu ". Zer ote? Helbidea tekleatu duzu. Orri garbi bat agertu zaizu, lauki bat erdi-erdian. ELEBILA euskarazko bilatzailea dio horren gainaldean. Energia pikatu duzu laukian eta return tekla ostean. Bilaketaren emaitzak ari zaizkizu pantailan agertzen. Harri eta zur gelditu zara. Emaitza guztiak euskarazkoak dira! Lehenengoa, gainera, Wikipediako energia sarrera. Hasperen egin duzu, zure burua salbatuta ikusi duzu eta.

Irazabalbeitia Fernandez, Inaki
2
236
2007
11
040
Elhuyarren berriak; Internet
Elhuyarren berriak
61

Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.