Haurren zahartze goiztiarra, gero eta argiago

Haurren zahartze goiztiarrak edo progeriaren mutazioak organismoan nola eragiten duen argitu dute Londresko ikertzaile batzuek.
Progeria Research Foundation.

Haurren zahartze goiztiarrak edo progeriaren mutazioak organismoan nola eragiten duen argitu dute Londresko ikertzaile batzuek. Duela urtebete aurkitu zuten sindrome horren eragilea LMNA genearen mutazio bat dela, eta dagoeneko ikusi dute gene horrek kodetzen duen Lamin A proteina dela zelulak ohi baino lehenago zahartzearen erruduna.

Dirudienez, progeria dutenen Lamin A proteinak normalean baino azkarrago zatiarazten du zelula, eta, hala, lehenago galtzen du zatitzeko gaitasuna. Ondorioz, organismoko zelulak lehenago zahartzen dira.

Progeria edo Hutchinson-Gilford progeria-sindromea bitxikeria gisa hartu izan da; izan ere, munduan 40 kasu inguru bakarrik ezagutzen dira. Haur horiek zahartzaroan ohikoak diren gaitzak izaten dituzte, hala nola, bihotzekoa, arteriosklerosia, artikulazioak gogortzen zaizkie... Eta 13-14 urteko bizi-itxaropena izaten dute.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.