Hasiera »   Albisteak »   Prestige ontziaren fuel-olioa arnasteak kalteak eragiten ditu genoman

A inhalación do fuel do Prestige causa danos no xenoma

• Zabaldu:
• Twitter
• Facebook
• Emaila

O departamento de Toxicoloxía da Universidade da Coruña comprobou que os compostos emitidos ao aire polo fuel causan danos no xenoma das ratas. Segundo os investigadores, a investigación confirmou que existe una relación directa entre os problemas de saúde que sufriron os voluntarios que traballaron na limpeza de restos da catástrofe e a inhalación de fuel.

De feito, fixeron o experimento coa intención de ver si existe esa relación. De feito, moitos dos voluntarios manifestaron posteriormente problemas de saúde, especialmente no aparello respiratorio, e demostraron nalgúns casos danos no xenoma. Pero era difícil demostrar que a orixe destes danos era o fuel, xa que non dispuñan de datos exactos de exposición.

Co fin de superar este baleiro, dous tipos de ratas foron sometidas a unha cámara de inhalación a unha mestura similar ao fuel que levaba o Prestige. Os resultados foron claros: os compostos emitidos polo fuel causan danos no ADN e no mecanismo de reparación do ADN, especialmente a partir do décimo quinto día. Con todo, un dos tipos de ratas sufriu máis danos que o outro.

O estudo, publicado na revista Journal of Toxicology and Environmental Health, considera que as conclusións son válidas paira as persoas expostas ao fuel, non só paira as que limpan as verteduras, senón tamén paira as que traballan en xacementos de petróleo, refinarías, gasolineiras, etc.