Erregai-injekziorako sistema berria

Zabaldu:
Twitter
Facebook
Emaila

Alemaniako MTU enpresaren erregai-injekziorako sistema berria merkaturatzear dago mundu osoan. Sistema tren-makinen eta untzien diesel motoreetan erabiltzekoa da. Erregai-kontsumoa % 10 gutxiagotzeaz gain, partikula-emisioa eta zarata ere beheratzen ditu sistema berriak.

Injekzio-sistema berriari esker, erregai-kontsumoa % 10 gutxiagotuko da eta,
gainera, zarata eta partikula-emisioa ere txikiagotuko ditu. Merkea eta garbia da, beraz, sistema berria.

Erregaia zuzenean injektatzen da errekuntza-ganbaretan spray mehe moduan presiorizatutako depositu bakar batetik. Bestelako injekzio-sistemetan, espeka-ardatzak eragindako injekzio-ponpek sartzen dute erregaia presiopean zilindro bakoitzean bereiziz. Teknika honen desabantaila nagusia zera da: espeka-ardatzaren formak eta injekzio-ponparen geometriak gobernatzen dutela injekzioaren kalitatea eta presioa.

Beraz, ez dago injektatutako erregai-kantitatea aldatzerik ezta injekzio-denbora ere. Ez da hori sistema berriarekin jazotzen. Presiorizazioa eta injekzioa bakoitza bere aldetik kontrolatzen dira kontrol-sistema elektroniko baten bidez. Sistema berriak, gainera, ziurtatzen du erregai-kantitate egokia sartzen dela errekuntza-ganbaran presio eta une adiutuetan.

Sistema berriaren abantailak abiadura txikian dira batez ere nabarmenak.