Eguzkia, inoiz baino gertuagotik

eguzkia-inoiz-baino-gertuagotik
Arg. NSO/AURA/NSF

Daniel K. Inouye Eguzki Teleskopio berriak lehen irudiak eman ditu, Eguzkiaren azala aurrekaririk gabeko xehetasunez erakusten dutenak. Irudian ikusten diren gelaxkak Eguzkiaren plasma-burbuilak dira, Eguzkiaren barrualdetik azaleruntz igotzen direnak. Gelaxka bakoitzak Iberiar penintsulako neurria duela adierazi du National Science Foundation-ek.

Teleskopioaren helburu zientifiko nagusia Eguzkiaren atmosferako eremu magnetikoak neurtzea da. Eremu magnetiko horiek dira eguzki-erupzioen eragileak, eta Eguzkiaren erupzio magnetikoek Lurreko sistema askotan eragin dezakete: aireko bidaietan, satelite bidezko komunikazioak eten ditzakete, sare elektrikoan eta gailu elektronikoetan akatsak sortu, eta abar. Eguzkiaren jarduera eta horrek gure planetan duen eragina hobeto ezagutzeko balioko du eguzki-teleskopio berriak.

4 metroko irekidura du teleskopioak, munduko eguzki-teleskopioen artean handiena. Bederatzi urtez egon dira eraikitze-lanetan, eta abenduaren 10an hartu zituen lehenengo irudiak. Datozen hilabeteetan, teleskopioa probatzen eta hobetzen arituko dira ingeniari-, teknikari- eta zientzialari-taldea, Eguzkia ikertzen duen nazioarteko komunitate zientifikoak lanerako prest izan den epe laburrean.  

Gai honi buruzko eduki gehiago

Elhuyarrek garatutako teknologia

Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.