Beroa eta hotza automobilaren sabaitik

Mazdak (1) aurkeztutako luxuzko automobil honek, lehen begirada batean ez du ezer arrarorik, gauza bat izan ezik: Sanyo-k (2) burututako sabai irekigarria, alegia.

Sabai hau siliziozko eguzki-zelulez osaturik dago. Zelula hauek, udan, automobilaren aireztapen-sistema elikatzen dute eta neguan bateria kargatzen dute.

Sistema gobernatzen duena, automobilaren atzean dagoen tenperatur hargailua da. Bero handia egiten duenean bi haizagailu automatikoki abiarazten dira.

Automobilak aire egokituko sistemarik baldin badu ere, arestian aipatu sistemaz % 30 lehenago lortzen da aire freskoa. Gainera aireztapen-mota honek zigarro-keak, hautsak eta iragazketa-sistema klasikoak kendu ezin dituen beste elementu poluitzaileak kanporatu egiten ditu.

Eguraldia freskoa denean, barne-aireztapena ez da behar izaten. Orduan beste funtzio bat betetzen dute eguzki-zelulek, hots, bateria automatikoki kargatzen dute. Bateria batek adibidez bere ahalmenaren herena galdu badu, bost egun barru % 100eraino karga daiteke.

Oraindik, ezin da esan sabai berezi hau erabat merkaturatu denik; oso automobil gutxitan kokatu bait da. Ez dakigu sistema hau fabrikazio-katean produzituko den edo publizitate hutsa besterik ez den. Dena dela, irakurle, teknikaren bideak asmaezinak dira.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.