Adimen artifiziala diskriminatzailea izatea eragozteko sistema bat aurkeztu dute

Galarraga Aiestaran, Ana

Elhuyar Zientzia

adimen-artifiziala-diskriminatzailea-izatea-eragoz
Arg. Deboki Chakravarti

Datu historikoak erabiltzen dituzten adimen artifizialeko sistemek isuri diskriminatzaileak sortzeko arriskua dute. Hori saihesteko, teknika bat asmatu dute AEBetako eta Brasilgo unibertsitate batzuetako ikertzaileek.

Ikasketa automatikoan oinarritzen da, eta hezkuntzan eta osasun-arloan probatu dute. Adibidez, unibertsitateko azterketen emaitzak aurreikusteko programa batean, jakinda kalifikazioetan genero-isuria egoten dela, sistema trebatu zuten igoerak zein jaitsierak saihesteko generoaren arabera. Horri esker, inolako irazkirik erabili gabe baino hobea izan zen aurreikuspena.

Osasun-arloan, berriz, proba teorikoak egin dituzte, odolean glukosa eta intsulina metodo dosifikatzaile automatikoak hobetzeko.

Aurkeztu duten sistema zuzentzaile horri algoritmo seldoniarra deitu diote, Hari Seldon pertsonaiari keinu eginez. Hain zuzen, Isaac Asimovek asmatutako pertsonaia da Seldon, robotikaren legeen egilea; lehen legeak robotek gizakiei kalte egitea debekatzen du. Ikerketaren emaitzak, berriz, Science aldizkarian argitaratu dira.


Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.