Zurrunga kronikoa

Apneak zurrungak eta arnas etenak eragiten dizkie gaixoei lotan daudela. Gaixoa ehunka aldiz esna daiteke gauean eta, egunez, edozein unetan lokartzeko joera izaten du. Zenbait kasutan ebaketak egiten dira faringea zabaltzeko, aire gehiago pasa dadin biriketara, baina kasuen % 50ean egoerak ez du hobera egiten.

Valentziako Unibertsitate Ospitalean erresonantzia magnetikoa erabili dute ebakuntzak zergatik ez duen funtzionatzen ikusteko, eta emaitza interesgarriak lortu dituzte. Lotan gaudela, faringearen goialdeko zatia asko estutzen dela ikusi dute, bereziki apnea sufritzen dutenen artean. Horiengan, hodia esna daudela baino % 85 estuagoa da lotan daudenean. Bestalde, faringearen paretaren gogortasunak ebakuntzetako huts egiteetan zerikusi handia duela ikusi dute. Hau da, nahiz eta faringea ebakuntza bidez zabaldu, muskuluen egitura eta portaera kontuan hartu behar direla ebakuntzetan.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.