2014/11/06 314. zenbakia

eu es fr en cat gl

• Itzulpen automatikoa
  • Español
  • Français
  • English
  • Català
  • Galego

Elia Elhuyar

×

Aparecerá un contenido traducido automáticamente. ¿Deseas continuar?

Si No

Elia Elhuyar

×

Un contenu traduit automatiquement apparaîtra. Voulez-vous continuer?

Oui No

Elia Elhuyar

×

An automatically translated content item will be displayed. Do you want to continue?

Yes No

Elia Elhuyar

×

Apareixerà un contingut traduït automàticament. Vols continuar?

Si No

Elia Elhuyar

×

Aparecerá un contido traducido automaticamente. ¿Desexas continuar?

Se No

• Anatomia/Fisiologia
• Eboluzioa

Zakilen jatorria: desberdina narrastietan eta ugaztunetan, baina antzekoa

• Zabaldu:
• Twitter
• Facebook
• Emaila

Pitoiaren enbrioia, sei egunekin lehen bi argazkietan, eta 11 egunekin azkenekoan. Azken horretan, isatsaren espiralaren erdian nabaritzen dira sexu-organoen ernamuina eta hanken bestigioa. Arg. Patrick Tschopp/Harvard Unibertsitateko Genetika Saila

Zakilaren jatorri ebolutiboa azaldu dute Harvardeko Unibertsitateko genetikariek. Nature aldizkarian argitaratu dute ikerketa, eta, haren arabera, kanpo-genitalen garapena ez da berdina ornodun lurtar guztietan. Hain zuzen, ugaztun gehienetan, zakila garatzen duten zelulak isatsa sortzen duten zelula enbrionarioetatik eratortzen dira; sugeetan eta beste narrasti batzuetan, berriz, atzeko hankak sorrarazten dituztenetatik.

Oilaskoen enbrioiekin egindako esperimentuetan, ikertzaileek ondorioztatu dute kloakaren kokapena gako dela organoen garapenean, horren arabera garatzen baitira hesteak, sexu-organoak eta gernu-aparatua. Nonbait, enbrioi-fasean, kloakak bidaltzen ditu zelulak bideratzea eta ehun bat edo beste garatzea eragiten duten seinaleak. Ugaztunetan, kloaka isatsaren ernamuinetik gertu dago, eta, narrastietan, berriz, atzeko hanken ernamuinetik hurbil.

Horrenbestez, frogatu dute elkarrekiko desberdinak diren zelula-populazioak gai direla kloakaren seinaleari erantzuteko eta sexu-organoak garatzeko.