X izpien minbizia sortzeko arriskua neurtu dute
X izpiak diagnosirako erabiltzen diren arren, zenbaitetan minbizia eragiten dute; ikerketa baten arabera, Britainia Handian 700 pertsona gaixotzen dira urtero X izpien eraginez, eta AEBetan 5.600.
Ehunekoei erreparatzen badiegu, Britainia Handiko minbizi-kasuen % 0,6 dira X izpien eraginez sortutakoak, eta antzeko ehunekoak azaldu dira Suedian eta Polonian egindako ikerketetan. Ehunekorik altuena Japonian daukate: han minbizien % 3 X izpiek sortutakoak omen dira, dirudienez, gainerako herrialdeetan baino gehiago erabiltzen delako diagnosi-metodo hori.
Ikerketarako, alde batetik, esposizio-maila altuen eta minbizi-kasuen kopurua alderatu dituzte, eta, bestetik, konputagailu-modelo konplexu batekin esposizio-maila baxuagoak ikertu dituzte.
Proiektu honen laguntzaile izan nahi baduzu, harpidetu. Urtean 28 € baino ez.
Zu idazle
Zientzia aldizkaria
