Nos aneis de Saturno predomina a tranquilidade
Os aneis de Saturno están formados por miles de pedras, algunhas delas diminutas, do tamaño das partículas de po, e outras xigantes, tan grandes como as montañas. Os astrónomos crían que estas pedras chocaban constantemente entre si e que viraban rapidamente como consecuencia deses choques. Pero as medicións realizadas desde a sonda Cassini da NASA indican o contrario. Mediuse a temperatura de varias pedras nos aneis, atopándose cada una cun lado quente e o outro frío. A diferenza de temperatura entre ambos os lados é de aproximadamente quince graos. Isto significa que a rotación das pedras é lenta; se fose rápida, os raios do Sol quentarían ambos os lados e a temperatura en ambos sería a mesma. E se a rotación das pedras é lenta, non se poden producir moitos choques entre elas.
Zu idazle
Zientzia aldizkaria
