Piraña gehiegi urtegien ondorioz

Pirañak ugaritu egin dira Brasilgo hainbat ibaitan, gizakiak eraikitako urtegien ondorioz. Urtegiek mantsotu egiten dute ibaietako uraren abiadura, eta horrek erraztu egiten du pirañen jaiotza. Horregatik ugaritu dira populazioak ibai horietan.

Ugaltzeko, erreketako landareei itsasten dizkiete pirañek arrautzak, eta, uraren indarraren ondorioz, arrautza asko askatu eta galdu egiten dira. Horregatik, pirañek arrautza asko jarri behar izaten dituzte, askatuko ez diren gutxi batzuetatik populazioa berritu dadin. Baina urtegiek mantsotu egiten dute ibaietako ura, eta, beraz, piraña asko jaiotzen dira. Adituen arabera, hainbat ibaitan hamar aldiz handitu dira populazioak urtegiak eraiki dituztenetik.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.