Petrolioa desegiten duten hainbat bakterioren genomak deskodetu dituzte

Galarraga Aiestaran, Ana

Elhuyar Zientzia

petrolioa-desegiten-duten-hainbat-bakterioren-geno
Deepwater Horizon petrolio-plataformako isuria (Mexikoko Golkoa) Arg. Andres Teske/North Carolina Chapel Hill Unibertsitatea

2010ean Deepwater Horizon petrolio-plataformak izan zuen isuria degradatzen lagundu duten bakterioen genomak deskodetu dituzte. Texasko Unibertsitatean egin dute ikerketa, eta Nature Microbiology aldizkarian argitaratu dituzte emaitzak.

Ikertzaileen arabera, erregaiak bi osagai nagusi ditu: batetik, alkanoak, bakterioek erraz degradatzen dituztenak; eta, bestetik, hidrokarburo aromatikoak, berez, degradatzen zailagoak. Azterketa genetikoa egin dutenean, ordea, ohartu dira bakterio batzuk uste zuten baino eraginkorragoak direla, baita hidrokarburo aromatikoekin ere. Alcanivorax eta Neptunlibacter bakterioak aipatu dituzte, adibide gisa. Edonola ere, nabarmendu dute ezen, espezie jakinen gainetik, bakterio-komunitate osoak duela garrantzia.

Ikerketan, bakterioek erabiltzen dituzten bidezidor metabolikoak argitu dituzte. Haien ustez, lortu duten informazioa baliagarria izango da erregai-isuriak dituzten lekuak leheneratzeko, bakterioak erabilita.

Gai honi buruzko eduki gehiago

Elhuyarrek garatutako teknologia

Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.