Nafarrak sarituta Japonian
Nafarroako Unibertsitateko Ingeniari-Eskolako ikerketa-talde batek bikaintasunari eskainitako lehen saria eskuratu du Japoniako Nagano-n egin den nazioarteko ingeniaritza-kongresuan. Bilkura aplikazio industrialetarako eragile linealei buruzkoa izan da; hau da, motor linealei buruzkoa.
Ingeniari Eskolako Makina Elektrikoen ikerketa-taldeak —Javier Atenciaren gidaritzapean—, motor linealak kontrolatzeko sistema berriak aurkeztu zituen Naganoko kongresuan. Motor-mota horrek ez du —ikuzgailuetako motorrak bezala— bira egiten; bi gainazalen atzeranzko edo aurreranzko mugimendua eragiten du. Horrelako motorrak, Tokioko metroko trenak mugiarazteko erabiltzen ari dira, eta kablerik gabeko igogailuak, makina-erremintako makinak, tren lebitatzaileak… egiteko.
Aplikazio Industrialetarako Eragile Linealei buruzko Nazioarteko Kongresua 3 urtetik behin egiten da, eta arlo horretan munduan egiten den bakarra da. Naganoko kongresuan 13 herrialdetako ordezkariak izan ziren eta guztira 96 aurkezpen egin ziren.
Zu idazle
Zientzia aldizkaria
