2003/09/01 190. zenbakia

eu es fr en cat gl

• Itzulpen automatikoa
  • Español
  • Français
  • English
  • Català
  • Galego

Elia Elhuyar

×

Aparecerá un contenido traducido automáticamente. ¿Deseas continuar?

Si No

Elia Elhuyar

×

Un contenu traduit automatiquement apparaîtra. Voulez-vous continuer?

Oui No

Elia Elhuyar

×

An automatically translated content item will be displayed. Do you want to continue?

Yes No

Elia Elhuyar

×

Apareixerà un contingut traduït automàticament. Vols continuar?

Si No

Elia Elhuyar

×

Aparecerá un contido traducido automaticamente. ¿Desexas continuar?

Se No

• Osasuna

Min eman dizula? Ez da hainbesterainokoa izango!

• Zabaldu:
• Twitter
• Facebook
• Emaila

Edo bai? Sendagileak eta erizainak aspaldi konturatu ziren paziente batzuk besteak baino sentikorragoak direla minarekiko. Orain, hainbat boluntariori estimulu mingarri bera emanda, garunaren erantzunean alde handia dagoela ikusi dute zientzialariek.

Ikerketa Ipar Carolinako medikuntza-fakultate batean egin dute, eta boluntario horiei egindako eskanerren bidez frogatu dute pertsona guztiek ez dutela sentikortasun bera. Horretarako, hasi giza gorputzaren tenperaturatik eta 49 °C bitarteko beroa jarri diete zangosagarrean. Boluntarioek, berriz, 1etik 10erako eskalan zenbateko mina sentitu duten esan dute.

Boluntarioek eskalan adierazitakoa eskanerrak emandako irudiekin bat datorrela ikusi dute ikertzaileek: min gehien sentitzen duten boluntarioek besteek baino aktibitate gehiago azaltzen dute garuneko kortexean, bereziki minarekin, arretarekin eta hankarekin lotutako guneetan. Hori bai, boluntario denek azaldu dute aktibitatea talamoan, eta horrek erakusten du denek jaso dutela minaren seinalea.

Beraz, ikerketaren arabera, min gutxiago sentitzen dutenengan minaren seinalea ez da ahultzen garunerako bidean; aldiz, informazioa iritsitakoan garunak egiten duen interpretazioan dago gakoa.