O investigador Manuel Carreiras Valiña recibe o Premio Euskadi de Investigación 2015
Manuel Carreiras (Lugo, 1959) é doutor en psicoloxía e, desde 2008, fundador e director científico do Basque Center on Cognition, Brain and Language (BCBL). É un dos investigadores máis destacados a nivel internacional no campo da neurociencia cognitiva, especialmente no campo do procesamiento da lectura, a linguaxe e o bilingüismo. O galardón quixo recoñecer a calidade científica dos traballos de Manuel Carreiras e a súa gran contribución á internacionalización das investigacións científicas en psicoloxía que se realizan no País Vasco.
Desde a súa chegada a San Sebastián, Manuel Carreira puido investigar o funcionamento das linguas no noso cerebro a través das dúas linguas máis utilizadas en Euskal Herria (eúscaro e castelán). O investigador destacou a importancia do eúscaro na investigación do procesamiento da linguaxe.
O Basque Center on Cognition, Brain and Language conta con tres grandes liñas de investigación: a linguaxe, a lectura e os trastornos do desenvolvemento; a aprendizaxe do multilingüismo e a segunda lingua; e a neurodegeneración, o dano cerebral e o envellecemento saudable.
O Goberno Vasco convoca anualmente o Premio Euskadi de Investigación. Nos anos impares, a convocatoria realízase na modalidade de Ciencias Sociais e Humanidades, mentres que nos anos pares o premio recoñece o labor dos profesionais da Ciencia e a Tecnoloxía. En ambos os casos, o obxectivo principal é fomentar a actividade científica.
Zu idazle
Zientzia aldizkaria
