Inurriz mozorrotzen den armiarma

Zabaldu:
Twitter
Facebook
Emaila

Ikerketa berri baten arabera, Australiako armiarma batek inurritegietako usain espezifikoa har dezake.

Inurri-kolonietan bizi diren harrapari inurrijaleek, oro har, inurrien itxura, usaina eta portaera hartzen dituzte. Armiarma horrek, ordea, are gehiago hobe dezake kamuflajea.

P. NAKRESTI

Inurri tropikal mota jakin batez baino ez da elikatzen. Inurri horiek hostoak larben zetaz itsatsita eraikitzen dituzte bizilekuak, eta, hain zuzen ere, larba horiek jaten ditu armiarmak. Ikerketan ikusi dute, inurritegi jakin bateko larbekin elikatuz gero, horren usain berezia hartzen duela.

Basatia direnean, seguruenik, bizitza guztia inurritegi bakarrean ematen du armiarmak. Han, nolabait, langileek larbak ematea lortzen du, inurria dela pentsatzen baitute.

Ikertzaile batzuen ustez, orain argitu beharko da usainaren berezitasun txikienak ere hartzeko gaitasun hori moldatzearen ala dietaren ondorioa den.