Epe luzerako poluzioa
Nahiz eta zentral elektrikoek ingurugirora igorritako sulfuro dioxidoko kantitatea % 90 jaitsi duten, Europako mendialdeko ibai eta errekek hamarkadak beharko dituzte azidoa erabat garbitzeko. Oxfordshire-ko Hidrologia Institutuak Gales-ko ibaiak aztertu ditu, batez ere uholdeak izan ondoreneko uneetan. Hain zuzen, substantzia kimiko toxikoen garraioa aztertu du. Txostenaren arabera, nahiz eta igorpen-kontuetan oso neurri gogorrak hartu, onurak oso epe luzera baino ez genituzke nabarituko. Lurrazpiko akuiferoetan pilatutako ur azidoa etengabe ponpatzen omen da azaleko erreka eta ibaietara eta, ondorioz, hamarkadak beharko lirateke akuifero horiek garbitu eta bide batez errekak ere garbitzeko
Proiektu honen laguntzaile izan nahi baduzu, harpidetu. Urtean 28 € baino ez.
Zu idazle
Zientzia aldizkaria
