Endometrosiaren tratamendu ez-hormonal bat garatzeko aproposa izan daitekeen errezeptore bat identifikatu dute

Galarraga Aiestaran, Ana

Elhuyar Zientzia

endometrosiaren-tratamendu-ez-hormonal-bat-garatze
Arg. Artxibokoa

Emakumeetan eta makako emeetan egindako azterketa genetiko batean, NPRS1 genea identifikatu du nazioarteko ikertzaile-talde batek. Gene horrek endometriosiarekin erlazionatutako errezeptore bat kodetzen duela ikusi dute, eta endometriosia tratatzeko terapia ez-hormonal bat garatzeko aproposa izan daitekeela proposatu dute. 

Ikertzaileek Science Translational Medicine aldizkarian argitaratu dute lana. Ikerketan 11.000 emakumeren datuak hartu dituzte kontuan; tartean, endometriosia zuten familietako kideak eta endometriosia ez zuten emakumeenak. Rhesus makakoen genomarekin ere alderatu dituzte datu genetikoak, eta, NPRS1 genea blokeatuta, endometriosiaren sintomak (mina eta inflamazioa) desagertzen direla frogatu dute saguetan.

Ikertzaileek onartu dute gehiago ikertu behar dutela hobeto ulertzeko genearen eragina zenbait ehunen modulazioan eta akzio-mekanismoan, baina berretsi dute identifikatu duten hartzailea itu aproposa izan daitekeela endometriosiaren mina eta inflamazioa desagerrazteko tratamenduak garatzeko.Munduan 190 milioi emakume inguruk dute endometriosia.

 

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.