1996/09/01 111. zenbakia

eu es fr en cat gl

• Itzulpen automatikoa
  • Español
  • Français
  • English
  • Català
  • Galego

Elia Elhuyar

×

Aparecerá un contenido traducido automáticamente. ¿Deseas continuar?

Si No

Elia Elhuyar

×

Un contenu traduit automatiquement apparaîtra. Voulez-vous continuer?

Oui No

Elia Elhuyar

×

An automatically translated content item will be displayed. Do you want to continue?

Yes No

Elia Elhuyar

×

Apareixerà un contingut traduït automàticament. Vols continuar?

Si No

Elia Elhuyar

×

Aparecerá un contido traducido automaticamente. ¿Desexas continuar?

Se No

• Ekologia

Armiarma abisalak

• Zabaldu:
• Twitter
• Facebook
• Emaila

1977. urtean itsasoan 2.000 metroko sakonera baino handiagoan armiarmak eta Riftia generoko zizare tubikolak aurkitu ziren. Hain egoera zailetan bizi den fauna hau bakterioak janda elikatzen da. Bakterio horiek Ozeanoko dortsaletako failetatik sortzen diren ur beroetako (300-400° C-koak dira) sulfuro metalikoak oxidatzen dituzte.

Zizareak eta armiarmak, hondaleko nomadak dira.

Kanadako Victoria unibertsitateak eta Londresko unibertsitateak elkarlanean fauna honen biogeografia zehaztu dute. Ur beroko iturri batetik bestera joaten dira dortsal ozeanikoari jarraituz. Urte batzuetan ustiatu ondoren ur beroko iturrian elikagaiak agortzen zaizkienean, zizareen edo armiarmen larbak beste iturri batzuk kolonizatzera joaten dira. Zizare edo armiarma helduak berriz, bertan geratzen dira motelegiak direlako.

Teoria hau osatzeko lehenbizi datuak jaso dituzte. Ozeano Bareko ekialdeko dortsalean elkarrengandik 800 kilometroko distantziara dauden bi iturritan 54 espezie berdin aurkitu dituzte, baina Ozeano Bareko ekialdeko eta mendebaldeko dortsaletan bost espezie berdin besterik ez daude. Komunitate hauek aztertuta garai batean plaken tektonika nola eraturik zegoen jakin daiteke.