O profesor da UPV-EHU Anxo Rubio forma parte da Sociedade Científica AAAS
Rubio traballará na promoción e divulgación científica
Anxo Rubio, catedrático de Física de Materiais e director do grupo Nano-Bio Spectroscopy da UPV, foi nomeado fellow da American Association for the Advancement of Science (AAAS). AAAS, a maior sociedade científica do mundo, é una asociación sen ánimo de lucro que promove o progreso da ciencia a través de actividades educativas e divulgativas. Esta asociación publica a coñecida revista científica Science.
"É unha honra pertencer a esta institución. Por unha banda, porque estamos moi poucos españois nestas listas, e por outro, e sobre todo porque recompensa dalgunha maneira o traballo realizado durante todos estes anos no campo da simulación de nanoestructuras e a espectroscopia teórica", afirma Rubio. "Agora temos que seguir investigando nestas liñas e abordar novos retos", engadiu.
O Consello Reitor da AAAS valora na elección de novos membros as achegas dos candidatos ao progreso científico ou a consecución de aplicacións aceptadas pola sociedade e o ámbito científico. Anxo Rubio foi seleccionado no campo da física pola súa gran contribución á aplicación da física computacional e teórica á ciencia dos materiais e á nanotecnoloxía, especialmente á comprensión das nanoestructuras de carbono. "Traballarei na promoción e divulgación da ciencia. Así mesmo, no meu ámbito de traballo tócame facer referee na revista Science", explica Rubio.
Zu idazle
Zientzia aldizkaria
