Amaldan bizi ziren neandertalek erabileraren arabera antolatzen zuten espazioa

Galarraga Aiestaran, Ana

Elhuyar Zientzia

amaldan-bizi-ziren-neandertalek-espazioa-erabilera
Amalda haitzuloaren sarrera. Arg. Ondarea-EJ

Amalda kobazuloa (Zestoa), aspalditik da ikergai, bertan bizi izan ziren neandertalen arrastoak oso baliagarriak baitira gizaki haien bizimodua ezagutzeko. Kantauriar isurialdean: kronologia, gizarte-egitura, ohiturak… Oraingoan, teknika geo-espazialak erabilita, animalia haragijaleek eta neandertalek kobazuloaren zer leku ta zerarako erabili zituzten aztertu dute, Kaliforniako Unibertsitateko HERC Giza Eboluzioaren Ikerketa Zentroko Laura Sánchez Romeroren gidaritzapean.

Lan hori Joseba Rios Garaizarrek zuzentzen duen beste ikerketa zabalago baten barruan sartzen da, eta Scientific Reports aldizkarian argitaratu dituzte emaitzak. Riosen esanean, ikerketan ikusi dute haragijaleek eta neandertalek kobazuloko leku ezberdinak erabili zituztela,”gizakiak kanpoko partea, eta haragijaleek barrukoa”. 

Kronologia ere osatu dute, eta frogatu dute lehenengo gizakiek okupatu zutela lekua, eta gero sartu zirela haragijaleak. “Ordurako neandertalak jada ez zeuden Kantauri aldean”, zehaztu du Riosek.

Horrez gain, ikusi dute neandertaleek espazioa jardueraren arabera antoaltu zutela, hau da, jarduera bakoitzerako leku jakin bat erabiltzen zuten. Riosen esanean, “hori nahiko interesgarria da, erakusten baitu ekintzak antolatuta zeuzkatela, eta hortik ondorioztatu dezakegu gizartea ere antolatuta zeukatela”.

 

Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.