Piratak iritsi dira Zernola Olinpiadara!

Lasa Iglesias, Aitziber

Elhuyar Zientziaren Komunikazioa

Andoain, Zornotza, Arrasate, Santurtzi, Elgoibar, Oiartzun, Elorrio, Garralda, Azpeitia, Trapagaran, Eibar, Ordizia, Iru ea, Gasteiz, Zumarraga, Donostia, Loiu, Barakaldo, Otsagabia, Pasai Donibane, Bera, Urnieta, Irun, Gernika, Hondarribia, Tolosa eta Ibarra. Uff! Ez dira gutxi zientzia-olinpiada bateko parte-hartzaileen herriak izateko, ezta?

Aurten 60 gelak hartu dute parte Zernola Olinpiadan. Hirugarren ekitaldia izan da, eta gai asko izan ditugu hizpide. Parte-hartzaileak zientzia-dibulga-zioko lanetan jarri genituen urrian eta errausketaren inguruko artikulu interesgarriak idatzi zituzten. Azaroan, egungo komunikabideei buruzko ibilbidea proposatu genien, eta hala jakin genuen, esaterako, wifi hitza ingelesezko Wireless Fidelity hitzen eratorria dela eta haririk gabeko konexioei egiten diela erreferentzia.

Abenduan, urte berria zetorrela eta, beste kultura batzuetara hurbildu ginen. Gure egutegiaren inguruko ikerketa egiteaz gain, eguzki- eta ilargi-egutegiak bereizten ikasi genuen, eta jakin genuen, besteak beste, txinatarrentzat otsailaren 9an hasi dela urte berria, 4703a, judutarrak 6765ean daudela eta 1426an musulmanak. Asmakizunak ebatzi, zenbakietarako sena landu, saguzarren munduan murgildu eta fisikaz eta kimikaz dakiguna baliaturik, Ilargian bizirik irauteko kit bat ere prestatu dugu ZN Olinpiadan.

Ikaragarri lan politak egin dituzte DBHko 1. eta 2. mailako ikasleek, eta, askok esan digutenez, ederto pasa dute. Sari nagusi bakarra egoten da baina, eta aurtengoa Iru eko Jaso ikastolako ikasleek irabazi dute; 53 puntu lortu dituzte. 41 punturekin, Gasteizko Koldo Mitxelena Institutuko DBH 2A gela izan da bigarren, eta, 40 punturekin, Arrasateko Arizmendi (San Viator) ikastetxeko DBHko 2T gela hirugarren.

Esan beharra dago, hala ere, babesleen laguntzarik gabe ezingo genukeela egin ZN Olinpiada. Espainiako Hezkuntza eta Zientzia Ministerioak eta Foru Aldundiari eta Sobron Abenturari esker, berriz, talde irabazleak asteburuko egonaldia egingo du. Azkenik, probaz proba ematen ditugun opariak honako hauen eskuetatik datozkigu: Euskaltel, Berria -ren "Mantangorri" hileroko proba irabazlea ere argitaratzen du , Donostiako Aquariuma, Gaztetxulo , Zientziaren Kutxagunea, Kukuxumusu eta Karrantzako Karpin Abentura. Eskerrik asko denoi!

Maiatzaren 20an ospatu genuen olinpiaden amaiera-festa Bilboko Itsasadarra Itsas Museoan, eta ederto ibili ginen Garagarro pirata ustelarekin.

Datorren urteari begira, dagoeneko ari gara lanean IV. ZN Olinpiada martxan jartzeko, eta aurten baino parte-hartzaile gehiago espero ditugu. Armixek hori nahi du behintzat!

Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.