2003/02/01 184. zenbakia

eu es fr en cat gl

• Itzulpen automatikoa
  • Español
  • Français
  • English
  • Català
  • Galego

Elia Elhuyar

×

Aparecerá un contenido traducido automáticamente. ¿Deseas continuar?

Si No

Elia Elhuyar

×

Un contenu traduit automatiquement apparaîtra. Voulez-vous continuer?

Oui No

Elia Elhuyar

×

An automatically translated content item will be displayed. Do you want to continue?

Yes No

Elia Elhuyar

×

Apareixerà un contingut traduït automàticament. Vols continuar?

Si No

Elia Elhuyar

×

Aparecerá un contido traducido automaticamente. ¿Desexas continuar?

Se No

• Astrofisika

Zein itxura du espazioak?

• Zabaldu:
• Twitter
• Facebook
• Emaila

Galdera horri erantzuteko, nazioarteko astronomo-talde batek hondoko mikrouhin-erradiazioan dauden tenperatura-fluktuazioak aztertzeko asmoa dauka.

Espazioaren topologiak astronomoen arreta piztu du azken urteotan. Laua izanda ere, itxura bat baino gehiago har dezakeela konturatu ziren astronomoak; hain zuzen ere, laua izatekotan, 18 topologia posible leudeke, eta kurbadura-graduren bat izanez gero, berriz, aukerak askoz ere gehiago dira.

Hondoko mikrouhin-erradiazioaren azken neurketen arabera kurbadura ia zero dela ondorioztatu badute ere, oraindik ezin da baieztatu guztiz laua denik; beraz, topologia posibleak asko dira. Nola jakin zein den zuzena?

Hondoko mikrouhin-erradiazioaren tenperatura-fluktuazioak neurtuta, Unibertsoa sortu zen garaiko egoera fisikoari eta gaur duen itxura geometrikoari buruzko argibideak jaso ditzaketela ikusi dute. Neurketa horiek egiteko teknologia prestatu dute, eta orain hasiko dira datu-bilketarekin. Ez dute erronka makala!