Urrutiko lurrikarak Yellowstoneko geyserrak erotu zituenekoa
Lurrikara ikaragarri batek astindu zuen Alaska 2002an. Dirudienez, lurrikarak Yellowstoneko sistema hidrotermala aldatu zuen.
O. Araolaza
Lurrikara ikaragarri batek astindu zuen Alaska 2002an, azaleko uhinek hiru mila kilometroko bidea egin zuten, eta ordu batzuen buruan Yellowstone parke nazionalera iritsi zen. Han, lurrak dar-dar egin zuen eta geyserren maiztasuna aldatu zuen.
Dirudienez, lurrikarak Yellowstoneko sistema hidrotermala aldatu zuen. Behatzaileek inoiz geyserrik ikusi ez zuten iturburuetan lurrun-erupzioak izan ziren eta geyser askoren maiztasuna handitu egin zen.
Lurrikarak lur azpiko fluidoetan zehar egin zuen aurrera, eta, hori dela eta, geyserrak dauden inguruneak lurrikaren eta fluidoen arteko erlazioa ikertzeko leku egokiak direla aipatu dute ikertzaileek.
Proiektu honen laguntzaile izan nahi baduzu, harpidetu. Urtean 28 € baino ez.
Zu idazle
Zientzia aldizkaria
