2008/02/01 239. zenbakia

eu es fr en cat gl

• Itzulpen automatikoa
  • Español
  • Français
  • English
  • Català
  • Galego

Elia Elhuyar

×

Aparecerá un contenido traducido automáticamente. ¿Deseas continuar?

Si No

Elia Elhuyar

×

Un contenu traduit automatiquement apparaîtra. Voulez-vous continuer?

Oui No

Elia Elhuyar

×

An automatically translated content item will be displayed. Do you want to continue?

Yes No

Elia Elhuyar

×

Apareixerà un contingut traduït automàticament. Vols continuar?

Si No

Elia Elhuyar

×

Aparecerá un contido traducido automaticamente. ¿Desexas continuar?

Se No

• Kimika
• Ingurumena

Uranilo-ioiak erreakzionatzea lortu dute

• Zabaldu:
• Twitter
• Facebook
• Emaila

(Argazkia: Nature)

Uranioa, naturan ezagutzen den elementurik astunena eta hondakin nuklearretan luze irauten duen elementu erradioaktiboa, molekula organiko batekin erreakzionarazi dute Edinburgheko Unibertsitatean.

Hain zuzen, uranilo ioiarekin, [UO₂]²⁺, egin dute erreakzioa. Uraniloa uretan oso disolbagarria denez, eta uranioaren eta oxigenoaren arteko lotura oso-oso gogorra denez, molekulak oso erreaktibotasun txikia du, eta, hortaz, oso zaila da uretik ateratzea. Beste konposaturen batekin erreakzionatzea eta disolbagaitz bihurtzea lortuko balute, errazagoa litzateke molekula erradioaktibo hori ingurumenetik ateratzea.

Erreakzioan parte hartu duen molekula organikoak aho-itxura du; uraniloarekin lotzean pixka bat okertzen du berez zuzen-zuzena den molekula. Aldaketa txiki horrek erreakzio-kate bat abiarazten du.

Zientzialariek badakite erreakzio horrekin ez dutela lortuko uranioz poluituta dagoen ura garbitzea, besteak beste, ez delako uretan gertatzen. Baina elementuaren portaera ulertzeko baliagarria izango dela esan dute.