Unibertsitatea enpresekin elkarlanean
EHUk 17 milioi eurotik gorako diru-sarrerak izan zituen 2002an enpresekin egindako kontratuekin; unibertsitatearen aurrekontu osoaren % 5, alegia. Diru-kopuru hori 2001ean kontzeptu beragatik unibertsitateak eskuratu zuena baino % 36 handiagoa da. Guztira 533 kontratu sinatu ziren iazko ikasturtean: 400 enpresekin, 73 erakunde publikoekin eta 22 ikerketa-zentroekin.
Enpresa-Unibertsitatea Errektoreordetzako iturriek adierazi dutenez, Eusko Jaurlaritzaren Zientzia, Teknologia eta Berrikuntza Plana batetik, eta osasun-teknologiak bestetik, izan dira diru-kopuruaren igoeraren arrazoia.
Kontratuak ikerketa-proiektuak garatzeko, aholkularitza teknikoa emateko edo trebakuntza-ikastaroak eskaintzeko sinatu ziren.
Proiektu honen laguntzaile izan nahi baduzu, harpidetu. Urtean 28 € baino ez.
Zu idazle
Zientzia aldizkaria
