1997/10/01 124. zenbakia

eu es fr en cat gl

• Itzulpen automatikoa
  • Español
  • Français
  • English
  • Català
  • Galego

Elia Elhuyar

×

Aparecerá un contenido traducido automáticamente. ¿Deseas continuar?

Si No

Elia Elhuyar

×

Un contenu traduit automatiquement apparaîtra. Voulez-vous continuer?

Oui No

Elia Elhuyar

×

An automatically translated content item will be displayed. Do you want to continue?

Yes No

Elia Elhuyar

×

Apareixerà un contingut traduït automàticament. Vols continuar?

Si No

Elia Elhuyar

×

Aparecerá un contido traducido automaticamente. ¿Desexas continuar?

Se No

• Nekazaritza
• Klima
• Ingurumena

Udako pozoitzaileak

• Zabaldu:
• Twitter
• Facebook
• Emaila

Aurtengo udako sargoriak ez ditu oraindik bere ondorio guztiak erakutsi. Ikertzaileek uste dutenez, urtea amaitu baino lehen granjetako animaliek eragindako pozoidura-kasu asko gertatuko da Erresuma Batuan, ia denak eguraldi beroarekin lotuta.

Erresuma Batuan ez da giro azken bolada honetan. Behi eroen gaitzaren ondoren, orain pozoitutako oilaskoarena etorri omen zaie. Granjetako garbitasun-baldintza txarrei aurtengo beroa gaineratuta, pozoidura-kasu asko espero dira. Ez xerra, ezta oilasko errea ere...

Landetxetako eta granjetako garbitasun-baldintzak ikertzen diharduen taldeak egoera benetan kezkagarria dela jakinarazi dio Osasun Publikoko Laborategiari. Igorritako txostenean irakur daitekeenez, granjetako garbitasun-egoera txarra dela medio, anitz bakterioek garatzeko aukera bikaina aurkitzen dute urtero-urtero, udako beroak berpizten dituelarik.

Aurtengo egoera larriagoa da oraindik, batezbesteko tenperatura 5 °C altuagoa izan baita udako hilabeteetan. Begiz jotako datuen arabera, tenperatura gradu bat igotzen denean, pozoitzeko probabilitatea % 7 handiagotzen da; iaz granjetako animaliak jandakoan 83.000 lagun pozoitu ziren Erresuma Batuan eta aurten, beraz, 30.000 kasu berri espero dira. Pozoidurarik ohizkoenak Salmonella eta Campylobacter direlakoek eragindakoak dira, kasuen % 80 inguru horiexek sortuak direlarik.