Tuberkulosiaren baziloa gantzetan ezkutatzen da

Tuberkulosiaren baziloa gantzetan ezkutatzen da
2007/03/01 | Elhuyar
(Argazkia: AEB-ko Osasun Irudien Bilduma Publikoa (PHIL))

Pasteur Institutuko talde batek ikusi du tuberkulosia eragiten duen baziloak gordeleku ezin hobea daukala gantz-zeluletan. Alde batetik, immunitate-sistemaren zelulak nekez iristen dira gantz-zeluletara, eta, bestetik, isoniazidak, tuberkulosia tratatzeko antibiotiko erabilienetako batek, ez du eragiten gantz-zeluletan.

Baziloen portaera hori ezagutzeko, baziloa gantz-zeluletan hazteko gai dela frogatu zuen lehendabizi ikertzaile-taldeak, eta, han, isoniazidaren erasotik babestuta dagoela. Ondoren, baziloaren arrastoak bilatu zituzten ustez kutsatuta ez zeuden pertsonen gantz-zeluletan. Emaitzak adierazi zuen aztertutakoen laurdenak, jakin gabe, tuberkulosiak kutsatuta zeudela.

Aurretik bazekiten tuberkulosia eragiten duen baziloak urteak eman ditzakeela ostalariaren gorputzean lo, gaixotasuna eragin gabe. Oso ohikoa da kutsatuta egon arren tuberkulosia ez garatzea; kutsatutakoen % 5-10ek bakarrik garatzen du.

1
229
2007
3
020
Mikrobiologia; Medikuntza
Berriak labur
10

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.