2003/04/01 186. zenbakia

eu es fr en cat gl

• Itzulpen automatikoa
  • Español
  • Français
  • English
  • Català
  • Galego

Elia Elhuyar

×

Aparecerá un contenido traducido automáticamente. ¿Deseas continuar?

Si No

Elia Elhuyar

×

Un contenu traduit automatiquement apparaîtra. Voulez-vous continuer?

Oui No

Elia Elhuyar

×

An automatically translated content item will be displayed. Do you want to continue?

Yes No

Elia Elhuyar

×

Apareixerà un contingut traduït automàticament. Vols continuar?

Si No

Elia Elhuyar

×

Aparecerá un contido traducido automaticamente. ¿Desexas continuar?

Se No

• Osasuna

Toxikotasuna dosiaren araberakoa da

• Zabaldu:
• Twitter
• Facebook
• Emaila

Toxiko arriskutsutzat hartzen diren zenbait substantziari janarietan, uretan edo sendagaietan ezartzen zaizkien mugak berriro aztertzea proposatu dute AEBetako bi ikertzailek. Ikertzaile horien esanean, ustezko toxiko batzuk dosi txikitan onuragarriak izan daitezke, baina, dosi batetik aurrera kaltegarriak direla ikusi denez, guztiz baztertzen dira.

Kontuan izan behar da duela 30 urte X izpiak kaltegarritzat hartzen zirela. Gaur egun, ordea, medikuntzan erabiltzen dira, eta antzekoa gertatzen da beste gai askorekin. Esate baterako, dioxinak minbizi-sortzaile dira dosi altuetan, baina zenbait espezietan tumoreak haztea galarazten dutela frogatu da.

Ikertzaileen ustez, gobernuak diru asko ari dira xahutzen ustez ingurumena kaltetzeko arriskua duten substantziak kentzen. Bitartean, elikagaien bidez, sintetikoak bezain kaltegarriak izan daitezkeen gai kimiko ugari hartzen ditu jendeak. Beraz, jendeak gai horri buruzko informazioa eta heziketa behar dituela iruditzen zaie.