2007/01/01 227. zenbakia

eu es fr en cat gl

• Itzulpen automatikoa
  • Español
  • Français
  • English
  • Català
  • Galego

Elia Elhuyar

×

Aparecerá un contenido traducido automáticamente. ¿Deseas continuar?

Si No

Elia Elhuyar

×

Un contenu traduit automatiquement apparaîtra. Voulez-vous continuer?

Oui No

Elia Elhuyar

×

An automatically translated content item will be displayed. Do you want to continue?

Yes No

Elia Elhuyar

×

Apareixerà un contingut traduït automàticament. Vols continuar?

Si No

Elia Elhuyar

×

Aparecerá un contido traducido automaticamente. ¿Desexas continuar?

Se No

• Astronomia

Saturnoren eraztunetan orbanak

• Zabaldu:
• Twitter
• Facebook
• Emaila

(Argazkia: NASA)

Saturnoren eraztunetan orbanak ageri dira zenbaitetan, hatz handi batek eraztun distiratsuak zikindu izan balitu bezala. Orbanok azaltzen direnean, pixkanaka sortu, eta ordu batzuen buruan desagertu egiten dira. Ikertzaileek argi dute eraztunetako hauts-aleek sortzen dituztela orban horiek; argitu nahi dutena da nola sortzen diren.

Aurkeztu duten azkeneko teoriak dio Saturnoren atmosferan gertatzen diren ekaitz elektrikoek eragiten dituztela. Badakite Saturnon ekaitzak izaten direla, eta sortzen diren tximistek Lurrekoek baino hamar mila aldiz energia gehiago dutela. Teoria horren arabera, tximistek Saturnoren gainazala jotzen dutenean, elektroi-sortak ateratzen dira planetatik kanpora. Eraztunekin talka egiten dutenean, elektroiek hauts-aleak elektrikoki kargatzen dituzte eta zorrotadaka ateratzen dira eraztunetatik, aldarapen elektrostatikoaren eraginez.

Hala ere, teoria horrek badu alde ilun bat: inoiz ez da ikusi Saturnon ekaitzek eragindako elektroi-sortarik. Horregatik, oraingoz ideia bat baino ez da.