2002/11/01 181. zenbakia

eu es fr en cat gl

• Itzulpen automatikoa
  • Español
  • Français
  • English
  • Català
  • Galego

Elia Elhuyar

×

Aparecerá un contenido traducido automáticamente. ¿Deseas continuar?

Si No

Elia Elhuyar

×

Un contenu traduit automatiquement apparaîtra. Voulez-vous continuer?

Oui No

Elia Elhuyar

×

An automatically translated content item will be displayed. Do you want to continue?

Yes No

Elia Elhuyar

×

Apareixerà un contingut traduït automàticament. Vols continuar?

Si No

Elia Elhuyar

×

Aparecerá un contido traducido automaticamente. ¿Desexas continuar?

Se No

• Medikuntza

Nola sortzen da Alzheimer gaitza?

• Zabaldu:
• Twitter
• Facebook
• Emaila

Burmuineko materia zurian gertatzen diren aldaketak izan daitezke Alzheimer gaitzaren jatorria, orain arte eragilea burmuineko materia grisa zela uste bazen ere. Ondorioa Arizonako Alex Roher biokimikariak eman du jakitera. Zientzialariek bazekiten Alzheimerrak aldaketak eragiten dituela burmuineko materia zurian, baina materia grisean gertatutako aldaketen eraginez gertatzen zirela uste zuten. Roherrek dio prozesua kontrakoa izan daitekeela.

Burmuinean, ehun gris fin-fin batek oinarri zuria inguratzen du. Ehun grisa neurona-sistema bat da, burmuineko prozesatzailea. Neuronek burmuinetik bidaltzen dituzte mezuak nerbio-sistemara, axoiak erabilita. Axoiak seinaleak bizkorrago bidaltzeko gaitasuna duen mielina izeneko substantzia batez estalita egoten dira, hain zuzen ere materia zuriaren osagaiaz.

Ikerketa egiteko, Arizonako ikerketa-taldeak bi gaixo-talde aztertu zituen: autopsia bidez Alzheimer gaitzaren diagnosia egindakoak batetik; dementzia barik hildakoak bestetik. Ikerketek erakutsi dute Alzheimerra diagnostikatuen mielinak askoz ere proteina, lipido eta kolesterol gutxiago zuela; horregatik uste du Roherrek materia zuria dela Alzheimer gaitzaren eragilea. “Mielina-geruza ez bada behar bezala eratzen, baliteke axoiak ez izatea gauza burmuineko seinaleak nerbio-sistemara bidaltzeko”.