Mondmilch likidoa Ernion

Arantzadi Zientzi Elkarteko espeleologoek mondmilch-erreka bat aurkitu dute Ernio-Pagoeta-Gazume mendigunean.

Jogurt-itxurako erreka bat da, eta, dirudienez, mondmilch-a egoera likidoan ikusten den lehenengo aldia da, orain arte egoera solidoan edo semisolidoan bakarrik aurkitu baita.

Orain, egitura berezi horren konposizio mineralogikoa aztertzen ari dira; eta, geroago, erreka horren jatorria ezagutzen saiatuko dira, mundu osoko adituen laguntzarekin.

Babesleak
Eusko Jaurlaritzako Industria, Merkataritza eta Turismo Saila