Mingaina trabatzea nerbio-konexioen errua izan daiteke

Totelek hizketarako zailtasuna izaten dute, eta hori aspalditik ezagutzen bada ere (bai Biblian bai hieroglifiko egiptiarretan azaltzen dira toteltasunari buruzko aipamenak), zientzialariek ez zekiten zergatik gertatzen zen zehazki. Orain, The Lancet zientzia-aldizkariak arazoa hobeto ulertzen lagunduko duen lan bat argitaratu du.

Alemaniako Hamburg-eko Unibertsitateko neurologoek totelen eta ez-totelen garunak alderatu dituzte, eta alde txikiak badaudela ikusi dute. Alde horiek mintzamenaren zentroan eta mingainarentzako zentro motorean daude, hain zuzen ere. Nonbait, garunaren eremu horiek lotzen dituen nerbio-konexioa normalean baino % 30 ahulagoa da toteletan. Ikertzaileen ustean, baliteke nerbio gutxiago egotea eta katea etetea, edo nerbio-zuntzak nahasiak egotea.

Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.