Últimas noticias de Marte
Non, Mars Polar Lander non o atoparon, non son as últimas noticias que nos chegan de Marte. A pesar do rotundo fracaso das dúas últimas sondas enviadas pola NASA a Marte, a sonda Mars Global Surveyor (MGS) está a facer un bo traballo virando ao redor do planeta vermello.
As imaxes enviadas pola sonda indícannos as diferenzas entre os polos Sur e Norte de Marte: O Polo norte é case chairo e está cheo de pequenos cráteres, mentres que no Polo sur os cráteres son máis grandes. O Polo norte está formado por auga e xeo e o Polo sur, supostamente de óxidos de carbono (IV) (xeo seco), cunha capa de poucos metros ou quizais de 2 ou 3 km de profundidade.
Estas características son representativas do clima e historia dos polos marcianos. As imaxes enviadas polos MGS mostran tamén o interior do planeta: as chairas do norte acumularon no seu día abundante auga, pero as altas temperaturas e o rápido arrefriado crearon canles subterráneas, que levaron a auga hai tempo. O espesor da capa exterior de Marte é duns 80 km ao sur e duns 35 km ao norte. O cambio de grosor provocou os montes do norte, que controlaron as antigas correntes de auga. Fai millóns de anos houbo suficiente auga no planeta vermello paira encher un océano.
Zu idazle
Zientzia aldizkaria
