Marrazo arriskutsuak

Marrazoak ikusteko turistentzat antolatzen diren txangoetan tragedia eragin daiteke Hego Afrikako kostaldean. Azken urteetan turistek marrazo zuri handiak urazpiko kaiolatik ikustea oso modan jarri da eta era honetako ikuskizunak negozio oparo bihurtu dira txalupa eta urpean igeri egiteko materiala duen edonorentzat.

Biologoek ordea marrazoak janaria eta gizakiak erlazionatzen ikasten ari direla ohartarazi dute, azken urteetan erasoen kopurua handiagotu egin baita. Ikuskizun hauek turistentzat sortzen duten arriskuaz gain, gidari batzuek marrazoak erakartzeko surf-oholak edo umeen jostailuak erabiltzen dituztela jakin da eta, ondorioz, marrazo zuriek gizakiei erasotzen ikasiko dutela uste dute adituek. Karibe itsasoan ere honelako kasuak eman dira azken urteetan.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.