Lehen aldiz emakume batek, Frances Arnoldek, irabazi du Milurteko Teknologia Saria

Galarraga Aiestaran, Ana

Elhuyar Zientzia

lehen-aldiz-emakume-batek-frances-arnoldek-irabazi
Frances Arnold Arg. Caltech

Teknologiako Nobel sari gisa ere ezagutzen da Milurteko Teknologia Saria. Bi urtez behin ematen da, “modu jasangarrian pertsonen bizimodua hobetzen duten berrikuntza teknologikoak” asmatzeagatik. Aurten, Frances Arnoldi eman diote; hala, Milurteko Teknologia Saria jasotzen duen lehen emakumea da.

Caltech Zentroko bioingeniaria da Arnold, estatubatuarra. 1979an Princeton Unibertsitatean lizentziatu zen, Ingeniaritza Mekanikoa eta Aeroespazialean, eta geroztik ibilbide emankorra izan du. Sari asko irabazi ditu, eta azken hau “eboluzio bideratua” metodoarengatik eman diote.

Jarduera jakina duten entzima berriak lortzeko, DNAn mutazioak eragitean datza metodoa. Bi hitzetan azalduta, lehenik, milaka mutazio eragiten dira, entzima desberdin ugari lortzeko. Gero, entzima horien funtzioa probatzen da, eta interesgarrienak aukeratzen dira. Azkenik, eraginkortasuna hobetzeko aldaketak egiten dira.

Metodoak aplikazio asko ditu teknologia berdeetan. Horren bidez lortu zuen, adibidez, zelulosa degradatzeko entzima bat. Horri esker, nekazaritza-hondakinetatik bioerregaiak lortzeko prozesua hobetzea lortu zuen. Gaur egun, mundu osoko laborategietan eta arlo askotan aplikatzen da, hasi garbigarrietatik eta sendagaietaraino.

Gai honi buruzko eduki gehiago

Elhuyarrek garatutako teknologia

Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.