2003/04/01 186. zenbakia

eu es fr en cat gl

• Itzulpen automatikoa
  • Español
  • Français
  • English
  • Català
  • Galego

Elia Elhuyar

×

Aparecerá un contenido traducido automáticamente. ¿Deseas continuar?

Si No

Elia Elhuyar

×

Un contenu traduit automatiquement apparaîtra. Voulez-vous continuer?

Oui No

Elia Elhuyar

×

An automatically translated content item will be displayed. Do you want to continue?

Yes No

Elia Elhuyar

×

Apareixerà un contingut traduït automàticament. Vols continuar?

Si No

Elia Elhuyar

×

Aparecerá un contido traducido automaticamente. ¿Desexas continuar?

Se No

• Teknologia

Koipe likidoak solidotzeko sistema

• Zabaldu:
• Twitter
• Facebook
• Emaila

Inolako aldaketa kimikorik egin gabe, koipe likidoak solidotzeko sistema bat asmatu dute Indiako Zientziaren Institutuan. Landare-olioei 10-31 karbono-atomo dituen edozein gantz-azido ase 1/5 proportzioan nahasiz gero, koipe likidoa gelifikatu eta solidotu egiten dela frogatu dute.

Sistema horrek aplikazio interesgarriak ditu, esaterako, elikagai-industrian, kosmetikan edo erregai likidoen isuriak garbitzeko. Gaur egun, landare-olioak solidotzeko hidrogenazioa erabiltzen da elikagai-industrian eta horrela lortzen dira, adibidez, margarinak eta gaztaren antzeko produktu batzuk. Hidrogenazioa, ordea, garestia da, eta, gantz-azido aseen proportzioa asko handitzen denez, produktu horiek ez dira jatorrizko landare-olioak bezain osasungarriak.

Sistema berriarekin gantz-azidoak asetzea saihesten da. Halaber, petrolioa, gasolioa, diesela, kerosenoa eta beste erregai batzuk solidotzeko ere balio du. Erregaiari gantz-azido horiek nahasita, isuria gelditzeko eta isuritakoa erraz garbitzeko aukera dago.