Hubble, gero eta urrunago

1996. urtean Hubble espazio-ontziko WFPC2 kameraren bidez Eremu Sakoneko Irudiak lortu ahal izan ziren eta ordura arte ezezagunak ziren galaxia urrunak ikusi ahal izan ziren. Argazki hauek 30 magnitudeko galaxiak atzeman zituzten eta, beraz, Lurretik Ilargian piztutako zigarroa ikustea bezalakoa izan zen. Galaxia urrunenak, ordea, puntu urdin txiki batzuk bezala baino ez ziren agertzen.

Iragan urtarrilan ordea, Hubble-ren begia unibertsoan gehiago barneratu zen. Eremu Sakoneko irudiaren zona bat oraindik bereizmen handiagoz ikusi ahal izan zuen infragorrizko NICMOS kameraren bidez. Infragorrizko kameraren bidez galaxien Gorrirantzko Lerradurak jaso ditu Hubble-ek eta esposizio motzagoak egin arren askoz irudi hobeak lortu ditu.

NICMOS kamerak lortutako irudian unibertsoaren adina orain duenaren % 5a zenean zegoena ikus daiteke, Arizonako Unibertsitateko R. Thompson astronomoak dioenez. Aztertutako zonan lehen ikusi ezin zitezkeen 100 galaxia baino gehiago ikus daitezke. Irudi hauei esker astronomoek unibertsoaren eboluzioa aztertu nahi dute gaur egungo egitura izatera nola iritsi zen ulertu ahal izateko.

Gehitu iruzkin bat

Saioa hasi iruzkinak uzteko.

Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.