Hiper, fusio-proiektu berria
Hiper (High Power Laser Energy Research) fusio-proiektu berria abiarazi du Europako Batzordeak.
Fusio-erreakzioa hidrogenoaren bi isotopo --deuterioa eta tritioa-- elkartzean, eta helio-atomoa, neutroi bat eta energia-kantitate izugarria askatzean sortzen da. Erreakzio hori gertatzeko, erregaia tenperatura altuan berotu behar da. Giro-tenperaturan, materia berotzean hedatu egiten da, eta, atomoak bereizi ahala, haien artean elkartzeko probabilitatea txikitu egiten da. Atomo horiek elkartzeko, ezinbestekoa da erregaia toki txikian gordetzea.
Hiper proiektuak zenbait laser erabiliko ditu deuterioz eta tritioz osatutako erregaia konprimitzeko. Modu horretan, erregaiaren atomoak elkartu egiten dira, eta haien arteko erreakzio-probabilitatea handitzen da. Jarraian, erregai hori potentzia handiko laser baten eraginpean jarriko dute, erregaiaren tenperatura handitzeko eta fusio-erreakzioa abiarazteko.
Zu idazle
Zientzia aldizkaria
