Pamukkale, kotoizko gaztelua

Turkiako hego-mendebaldean, Menderes ibaiaren bailaran, elurrez estalia dirudien muino zuri-zuri bat dago: Pamukkale, Kotoizko Gaztelua (turkieraz). Gaztelu zuri honek 160 metroko altuera du, eta 2.700 metroko luzera. Ur beroko 17 iturrik 35 eta 100 ºC bitartean dauden 250 l ur isurtzen dituzte segundoro. Ur horretan disolbatuta dagoen kaltzio karbonatoa hauspeatu egiten da, eta horren ondorioz sortzen den trabertino izeneko metakinak ematen dio kolore zuri hori muinoari.

Trabertinozko geruza lodiek pareta bertikalak osatzen dituzte puntu batzuetan, ur-jauzi izoztuak diruditen egiturak besteetan, eta baita urez betetako sakonera txikiko terrazak ere.

Grekoek sendagarritzat jo zituzten bertako urak, eta Pamukkaleren gailurrean Hierapolis hiria eraiki zuten K.a 180. urtean. Gaur egun, hiri haren hondarrak bisitatu daitezke; esaterako, nekropolia, trabertino zuriz inguratua.

XX. mendearen bukaera aldera, berriz, turismorako azpiegiturek arriskuan jarri zuten Pamukkale. Hotelak eraiki ziren, ur termalak haietara desbideratu, errepide bat egin… Putzu asko lehortu egin ziren, eta Pamukkale bere zuritasuna galtzen hasi zen. Horretaz jabetuta, neurriak hartu ziren kotoizko gazteluaren edertasuna berreskuratzeko; hotelak behera botatzea, besteak beste.

pamukkale-5_179.721596776
Egilea: © iStockphoto.com/Maxlevoyou
pamukkale-6_959.098046325
Egilea: ©iStockphoto.com/Maskpro
pamukkale-4_763.910028389
Egilea: ©iStockphoto.com/Pasticcio
pamukkale-3_724.16695943
Egilea: Nodomain/Creative Commons
pamukkale-2_902.402598778
Egilea: Tanya.K.
pamukkale-1_263.704198324
Egilea: Alaskan Dude

Gehitu iruzkin bat

Saioa hasi iruzkinak uzteko.

Webgune honek cookieak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzla. Ezeztatuz gero, ezingo duzu webgune honetan nabigatu. Onartu
Informazio gehiago
Babesleak
Eusko Jaurlaritzako Industria, Merkataritza eta Turismo Saila
MAIER Koop. Elk.
KIDE Koop. Elk.
ULMA Koop. Elk.
EIKA Koop. Elk.
LAGUN ARO Koop. Elk.
FAGOR ELECTRÓNICA Koop. Elk.