Mundu txikiak

"Mikrografiak erretratuak balira bezala hartzen ditut nik. Pertsona bati begiratu eta haren pertsonalitatea harrapatzen saiatzen zaren modu berean, behatzen diot organismo bati eta saiatzen naiz ahal bezain zintzoen eta errealisten harrapatzen". Horrela azaltzen du Wim van Egmond argazkilari herbeheretarrak bere lan egiteko modua. Nikon Small World Photomicrography Competition lehiaketa irabazi du Egmondek, Chaetoceros debilis itsas diatomeoaren argazki honekin.

Izatez, 90 argazkitik gora elkartu zituen azken irudia osatzeko. "Irudi hau forma, erritmoa eta konposizioa da --dio Egmondek--. Helizearen kokapena, flageloen norabideak, kolore apalak eta kontrastea; horri guztiari esker, emaitza dinamikoa eta lasaia da aldi berean".

Egmondenaz gain, beste ehun argazki ere saritu dituzte. Hurrengo orrietan daude horietako batzuk.